sut rydyn ni’n eich cefnogi chi
cymorth a lwfans yng Nghaerdydd
sut rydyn ni’n eich cefnogi chi
Rydyn ni yma i’ch cefnogi. Mae hynny’n golygu y byddwn ni’n gwneud ein gorau glas i’ch helpu i roi cartref sefydlog a chariadus i blentyn maeth.
Hyd yn oed cyn i blentyn gyrraedd, mae Maethu Cymru Caerdydd yn darparu arweiniad a hyfforddiant manwl i wneud yn siŵr bod maethu yn addas i chi a’ch teulu. Ond dydy’r cymorth ddim yn dod i ben gyda hynny.
Pan fyddwch chi’n maethu plentyn, rydyn ni’n cynnig:
- arweiniad parhaus gan weithiwr cymorth dynodedig
- tâl maethu i dalu costau byw hanfodol
- cymuned o deuluoedd maeth lleol sy’n gallu rhannu profiadau
- cyfeillgarwch a digwyddiadau cymdeithasol
- a llawer mwy o fuddion
Mae’n bwysig ystyried yr holl fuddion lleol er mwyn cael gwell dealltwriaeth, cyn cymharu taliadau gofalwyr maeth.
Darllenwch ymlaen i ddysgu mwy am y cymorth maethu a’r gwobrau rydyn ni’n eu cynnig.
lwfans gofal maeth
ydy gofalwyr maeth yn cael eu talu?
Ydyn, mae gofalwyr maeth yn derbyn taliad i dalu costau gofalu am blentyn. Bydd y swm hwn yn amrywio ar sail sawl ffactor, gan gynnwys
- faint o blant rydych chi’n eu maethu
- oedran y plant
- y math o faethu
Fodd bynnag, dydy bod yn ofalwr maeth ddim yn swydd gonfensiynol. Nid yw’n ffitio mewn bocs. Mae’n alwedigaeth fedrus 24-7 sy’n seiliedig gartref ac rydyn ni’n eich cefnogi’n ariannol i’w gwneud.
Yn Maethu Cymru Caerdydd, mae’n bwysig i ni bod plant yn cael popeth sydd ei angen arnyn nhw i ffynnu, felly rydyn ni’n rhannu’r taliad yn 3 rhan: y lwfans plant wythnosol + ffi’r gofalwr + taliadau ychwanegol.
lwfans plentyn
ffi gofalwr maeth
taliadau ychwanegol
ein hymrwymiad i chi
Mae pob Awdurdod Lleol yng Nghymru wedi cytuno i'r hyn rydyn ni'n ei alw'n 'Ymrwymiad Cenedlaethol'. Mae hwn yn becyn y cytunwyd arno o hyfforddiant, cymorth a gwobrau sy'n cael ei fwynhau gan bob un o'n gofalwyr maeth yng Nghymru.
cyfleoedd dysgu
Mae ein fframwaith dysgu a datblygu wedi’i brofi, wedi’i ddatblygu gyda gofalwyr maeth ac yn gyson ledled Cymru. Mae cyrsiau hyfforddi lleol yn ffordd wych o gwrdd â gofalwyr maeth eraill, ac rydyn ni’n cynnig adnoddau, offer a ffyrdd eraill o ddysgu hefyd.
mwy o gwestiynau am gymorth ariannol?
Byddwn yn rhannu ac yn esbonio'r holl gymorth y gallwch ei gael. I gael dadansoddiad llawn o'r lwfansau maethu lleol a'r cymorth ariannol yr ydym yn ei gynnig, gofynnwch am becyn gwybodaeth.
cymorth arall a gwobrau
taliad recriwtio
Mae dod yn ofalwr maeth yn gam mawr, ac rydyn ni yma i’ch cefnogi bob cam o’r ffordd. Dyna pam mae Maethu Cymru Caerdydd yn cynnig pecyn cymorth gwerth £5,000 i ofalwyr maeth sydd newydd eu cymeradwyo ac sy’n darparu gofal byrdymor neu hirdymor i blant dros 2 oed.
Gall dod yn ofalwr maeth olygu newid eich swydd neu leihau eich oriau. Mae’r taliad cymorth hwn wedi’i gynllunio i helpu i wneud y pontio hwnnw’n haws. Os ydych chi wedi bod yn meddwl am faethu ac yn aros am yr amser iawn, efallai mai nawr yw’r amser.
taliad cadw
Mae Maethu Cymru Caerdydd yn darparu cymorth ariannol parhaus i ofalwyr maeth byrdymor a hirdymor rhwng lleoliadau.
Os nad oes gennych chi blentyn mewn lleoliad ar hyn o bryd, gallwch chi barhau i gael y ffi gofalwr maeth am hyd at chwe wythnos rhwng lleoliadau, ar yr amod eich bod chi’n parhau i fod ar gael ac yn barod i dderbyn lleoliad newydd yn ystod y cyfnod hwn. Bydd y taliad hwn yn dechrau ar ôl diwedd eich lleoliad cyntaf ac mae wedi’i gynllunio i ddarparu sefydlogrwydd a chydnabyddiaeth i’ch argaeledd parhaus fel gofalwr maeth.
